Incipit
Humains, jectez icy plainctes, souspirs, et pleurs
Transcription
Humains, jectez icy plainctes, souspirs, et pleurs.
En ce tombeau repose un Roy le Treschrestien,
Non moins parfaictement aymé, et crainct du sien,
Redoubté qu'il estoit de chascun ses hainneurs.
Yl est mort. Mort ? helas : mais aux plus grandz malheurs
Dont on sçauroit parler, au repos de tout bien,
En paix, par l'alliance au prince Savoien,
Uny à Marguerite, exquise entre les fleurs :
Au[x] solennelz tournois il est mort, honnorant
L'union de sa fille, avec un Roy tressainct.
L'Espaigne en pleure, helas, la Savoye s'en plainct.
O regretz, o ennuictz, un si grand Roy mourant,
Jectez (Humains) de pleurs tant, qu'à tousjours sa gloire
Soit eternellement imprimee en memoire.
