Tu voys, amy lecteur, qu’ung chascun estranger
A trouvé nostre langue à son goust si friande,
Qu’il a voulu la sienne à icelle changer :
Il fault donc estimer que c’est bonne viande,
Qu’on ne couche en propos, l’Anglesche ou la Rommande,
La Flamengne s’en deult, aussi la Castillane :
L’Italique luy cede, ensemble la Toscane.
Par cela je concluds qu’en beaulté et faconde,
L’honneur des autres sauf, la langue Gallicane
Est le choix, le triumphe, et l’eslite du monde.
