Transcription
Quand avec toy par façon coustumiere
Je disne ou souppe, et que mon œil joieux
S'estend un peu dessus ta chambriere,
Tu m'en poursuis d'un regard furieux.
Mais quoy ? nostre œil s'estend bien jusqu'aux Cieulx,
Pour regarder Soleil, Estoilles, Lune.
Parquoy si plus ton regard m'importune
Lors qu'à souper tu me convoqueras,
Asseure toy qu'en ayant ma rancune
Et d'un chascun, tout seul tu souperas.
