Transcription
Mere triste, ne dictes point,
– Si de mort ay senty le poinct
Pour sortir hors du val mondain –
L’edict de Dieu estre soudain
Pource qu’hors le temps convoquée,
Que les neuf moys m’a revoquée
Au Ciel, de vices innocente.
Ne suyvez de douleur la sente,
De vos yeulx ne tumbe la larme,
Car j’estois debtrice sans terme,
Non obligée à certain jour,
Pour retourner au cler sejour.
