Transcription
Le Createur tenant la verge en main
Dont il punit justement sa facture,
Laisse tousjours en son cœur treshumain
Lieu à sa grace et benigne nature.
Le soing qu'il ha de toute creature,
Sa providence, et charité naïve,
Jette par tout sa splendeur claire et vive.
Icy en as evident tesmoignage,
Amy Lecteur, où par le docte ouvrage
Du bon Textor, il te donne remede
Au mal tant craint de grieve pestilence.
Rens donques gloire à luy, dont tout procede,
Et à l'Autheur, digne benevolence.
