Transcription
Si à mes amis je me jouë,
Qui vouldra m'en louë ou deslouë.
Je ne suis point de ces Stoïques,
Sourcilleux et melancoliques,
Et les vers doivent toujours estre
Bien resemblables à leur maistre ;
Et puis les estreines gentiles
Ne veulent estre tant subtiles,
Et à resuer, et rechercher
Maint amy ne se veut facher
Qui n'a le temps, ne le plaisir,
Comme aucuns qui ont bon loisir.
Marot pour sa facilité
Sera leu, comme il a esté,
Du commun (auquel ne veulx plaire
Totalement, n'aussi desplaire) ;
Tousjours aura plus de lecteurs
Que cent, et cent, d'autres auteurs.
