Pour vostre grace et pour voz peines,
Moy qui ne fus jamais ingrat,
Je vous donnerois voz estreines
Sans Procureur, ny Advocat.
Mais gens qui sont d'un mesme estat
Ne s'estreinent pas, ce me semble.
Or sommes nous tous deux ensemble
D'estat mesme, ou qui correspond :
Que si quelcun tost me respond
Et dit que non, je dy que si,
Car voz courriers en poste vont,
Mes deniers vont en poste aussi.
