Vostre pouvoir est grand,
Seigneur savantissime,
Envers
mon cher Seigneur le ReverendissimeCardinal de Meudon, qui me donne esperance,
Que par vous je pourray, et vostre digne advance,
Parvenir à l’estat par moy tant pretendu.
Grand miracle ferez, car le tout entendu,
Vous donnerez la vie à un ja mort par faulte
D’avoir un peu d’acces à la deité haulte
D’un prince, d’un seigneur, d’un Cardinal, d’un maistre,
D’un qui cognoist pour dieu, dieu est il en cest estre,
Par ses nobles vertus et divine nature
Dont ses corps et esprit ont ja prins couverture.
