La grand amour que ton hault cueur tousjours
Porte à Vertu, aux Lectres, et lectrez,
La grand amour qui sçait donner secours
Aux gens sçavans, qui de toy rencontrez
Sont et en biens, et en honneurs entrez,
L'amour de tous qui vers toy tant reluyt,
De toy en eulx plus que le cler jour luyt,
Ceste amour saincte et d'immortelle essence
(
Prelat aymé) m'admonneste et m'induyt
Te presenter d'amour cette deffense.
