Transcription
Trescher Seigneur assez j’estime
Que ce livre de peu d’estime,
Et en sçavoir tendre et menu
Devoit estre plustost tenu
En tenebres perpetuelles,
Que d’estre mis dessus les ailles
Du sort de renommée affable
Pour estre populaire fable.
Mais remply de toute insolence,
Qui devant toy (sçavant) le lance,
Hardy, comme s’il eust matiere
S’est pensé digne de lumiere,
Tellement qu’en despit de moy
Comme tien s’est donné à toy,
T’appellant son seigneur et pere,
Craingnant de souffrir impropere :
Car il sçait que par ton appreuve
Son roy, son tou en fera preuve.
Faitz donc que son commencement
Je recouvre amiablement
Pendant qu’Erato nostre muse
A trop plus grand œuvre s’amuse.
Immortalité.
