Amy lecteur, Ces jours passez quant j’ay veu le Livre de la contr’amye par je ne sçay quel brouillon de Rouen aultant mal Imprimé, que bienfaict par l'Autheur, donner à plusieurs desir de le veoir correct en bonne impression, j’ay bien voulu, tant pour complaire à leur bon desir, que pour monstrer combien villainement a faict ce bourreau de livres, le te faire Imprimer scelon la coppie, que dernierement l’Autheur envoya à Monsieur le Reverendissime Cardinal de Lorraine, estant pour lors à sainct germain en Laye : Esperant aussi par ce satisfaire au deu de l’amitié d’entre l’Autheur et moy, qui ne doibt permectre le celer plus long temps à son desadvantage. Reçoy le donc, et le ly lecteur, et je croy que, quant l’auras leu, tu nous remercieras en ton cueur de t’avoir faict ce bien de te le mectre en veue.

Et à dieu.