Transcription
Tous navigans en la mer amoureuse
Qui desirez aborder à bon port,
Fuyez ce havre et plaige dangereuse,
Si ne voulez y perir sans support !
Esloignez vous du rocher dur et fort,
Propre à briser tout amoureux navire !
N’approchez point du chaos qui attire
Et engloutist soubz entrée courtoise !
Mais pour le mieux, que chascun se retire
En la paisible et clere mer françoise.
