Transcription
Un bon Chartier qui conduict ses chevaulx
D’ordre et moyen en region diverse,
Soit à passer par monts, plaines et vaulx,
N’a point de peur que son chariot verse.
Chartier es tu, mais ton art ne s’exerce
À gouverner les chariots branslants,
Chevaulx, mulets, des princes excellants.
Que fais tu donc ? Quel est ton exercice ?
C’est jour et nuict avoir yeulx vigilants
Pour t’employer au faict de la justice.
