Text
Jeo crei en Dieu tuit puissant qe cria ciel e tere,
E qe Jhesu nostre sire est un soûl fiz au puissant pere
Qe conseu fust del seint Espirit e de la virgine Marie né
Peine et passion sufFri pur nous e en la croix fu attaché,
Mort estoit e enseveli e en le sepulchre reposa,
En enferns descendit; le tierce jour releva;
Le ciel mounta ou siet a destre Deu sun pere tut puissaunt;
De illuc vendra pur juger mortz e vifs, petitz e granz.
Jeu crei ausi en le seint Espirit e tut la seinte cristieneté,
Le sacrementz de seint Eglise e pardoun âver de péché,
Qe tuz releverunt a drein jour e serrant lor jugés
E la vie pardurable qe Dieu nous graunt par sa pité.
Amen.
Witness (note)
Cambridge, Bibl. de l’Univ. G.G.I. 1, fol. 392 v°, postérieur à 1307.