Text
Sire Jhesucrist qui ceste tres sacree char prins au ventre de la glorieuse vierge Marie et ton très precieulx sang de J ton très sacré cousté espandis pour nostre salut en l’arbre de la croyx et en ceste glorieuse char resuscitas de mort et montas au ciel et de rechief viendras avec grant gloyre juger les vifz et les mors en celle mesme char, par ce tien très sacré corps lequiel est maintenant en ton autel tractié, delivre moy de toutes immondices de corps et de pancee et de tous maulx et perilz du corps et de l’ame passés, presens et advenir. Ainsi soit-il. Deo gracias.
