Text
Per te accessum habeam ad Filium tuum, o beata inventrix gracie, genitrix vite, mater salutis, ut per te suscipiat me qui per te datus est michi ; excuset apud ipsum integritas tua culpam mee corrupcionis et humilitas tua Deo grata mee veniam impetret vanitatis ; copiosa caritas tua meam cooperiat multitudinem peccatorum et fecunditas tua gloriosa fecunditatem michi conferat meritorum. Domina mea, mediatrix mea, advocata mea, tuo Filio me recommenda, tuo Filio me reconcilia, tuo Filio me representa ; fac, o benedicta [domina], per graciam quam invenisti, per prerogativam quam meruisti, per misericordiam quam peperisti, ut qui, te mediante, fieri dignatus est particeps infirmitatis et miserie mee, te quoque intercedente, participem me faciat glorie et beatitudinis sue Ihesus Christus Filius tuus Dominus noster qui est Deus omnipotens in secula seculorum. Amen
ID Annotation
Per te accessum habeam ad Filium tuum, o beata inventrix gracie, genitrix vite, mater salutis, ut pe | Leroquais 39 | | Oration | h4674