Text
Doulce dame saincte Marie Qui mère es de Dieu et amye, Dame du ciel, dame des angels, Et dame royne des archangels, Vierge mère de tout le monde, Et dame en qui tout bien habonde, Vierge qui portas le doulx roys, Qui pour nous fut mis en la croix, Et jusqu'à la mort s'enclina, Dont tout le monde enlumina ; Ce fu ton filz et ton vray père, Duquel tu fus et fille et mère. Pour ce, te pri, vierge Marie, Que tu me soyes mère et amye Au jour de mon trespassement, Affin que l'ennemy puant Ne me puisse devers luy traire ; Très doulce Vierge débonnaire, Prie ton Filz par sa puissance Des pichez dont suis en balance, Qu'il me vueille donner pardon, Et de paradis le vray don, Et à tous trespasscz aussi. Mercy, Vierge, mercy, t'en pry
ID Annotation
Doulce dame saincte Marie Qui mère es de Dieu et amye, Dame du ciel, dame des angels, Et dame royne | Leroquais 3 | | Prayer | h4667