Text
Adoro te Deum Patrem et Filium et Spiritum sanctum, unam deitatem, equalem gloriam, coeternam maiestatem. Tu es verus Deus, et non est alius Deus preter te. Tu es adorandus, collandus (sic), tremendus, et venerandus in Trinitate et uni- tate. Tu es dominator omnium gentium, salvator hominum. Deus, propitius esto michi peccatori, quia non sum dignus levare oculos meos ad celum, nec respicere ad te, Deum Patrem omnipotentem, pre multitudine peccatorum meorum. Sed tu, misericors, conditor noster, qui es coeternus et coequalis Patri, qui peccatores salvare venisti, miserere michi peccatori, et auffer a me, misericors Deus, omnia mala mea preterita, presencia et futura, interveniente Dei genitrice Maria cum omni- bus sanctis, et micte angelum de celis ut non dominetur in me iniquitas. O Pater clemens, suscipe preces famuli tui, et perveniant ad aures tuas orationes mee, quas pro me peccatore ante conspectum divine maiestatis tue offero. Amen
ID Annotation
Adoro te Deum Patrem et Filium et Spiritum sanctum, unam deitatem, equalem gloriam, coeternam maiest | Leroquais 26 | | Prayer | h4664