Text
Sires très douz, ie t'aimme, mas petit et tièdement ; done-moi que ie t'amoie plux et plux ardamment. O li plus beaus de toutes choses ! O plus amereus de toutes créatures, done moi que ie te désirroie tant com ie vueil et tant com ie doi ; bons es tu sanz mesure et, por ce, sanz mesure doiz estre amez, espécialment de nous que as amei si ardamment, que as sauvei si merveilleusement, pour les quelx tu as fait de choses et si granz et si beles, pour les quelz tu as fait le ciel et la terre et la mer et toutes les choses qui i sunt, es queix tu as appereillie es les délices dou ciel que sunt orendroit abscondutes à toute créature mortel. O douz sires, quelx sumes nous qui si has mis ton cuer en nous, pour les quelx tant de vergoignes et tant de doleurs has soffert, haa ! amis très coreus, amerres vrais et léaus, l'amour dou quel nule foiz ne se reffroide, amerres sanz per douz Ihésu, chéritez veraie, embrase moi toute de ton saint feu, de t'amour, de ton désir, de ton solaz, de ta douceur, la quele est sainte et bone et chaste et munde ; ambrase moi tel menière que de moi riens ne demoroit en moi, mes dou tout ie arde en toi et de toi et pour toi, en tel menière que amours bastarde ne hait leu an moi, ce est amours charnelx et mundaine que si longuement ha tenue m'âme enlaciée
ID Annotation
Sires très douz, ie t'aimme, mas petit et tièdement ; done-moi que ie t'amoie plux et plux ardamment | Leroquais 25 ; Sonet 2083 | | Prayer | h4663
