Text
O très certaine espérance, deffenderesse et dame de tous ceulz qui si attendent glorieuse vierge Marie, en ycelle heure que mes yeulx seront si agravés de la très noire obcurté de la mort que ie ne pourray veoir la clarté de cest siècle, ne que ie ne pourray mouvoir ma langue pour toy prier ne pour toy appeller, et mon chétif cuer, qui est si fraille, tremblera engoisseusement pour la paour des ennemis d'enfer, et sera si esbahi que tous les membres de mon corps trembleront et deffauldront pour la sueur de l'angoisseuse mort, je te prie que lors, très doulce et très piteuse dame, que tu me daignes regarder en pitié et me vueilles aidier avecques toute la compaignie et toute la chevalerie de paradis. Si que mes accuseurs ne puissent avoir nulle vraye accusacion encontre moy, ne nulle espérance de moy mectre en leur compaignie. Lors, très débonnaire dame, te prie que la prière que ie fais orendroit il te plaise à recevoir humblement et mectre m'âme en ta benoite garde et en ta foy et deffense et la présente devant ton glorieux Filz où elle puisse estre vestue des robes de gloire et acompaigniée des sains en la ioye et en la feste des angels et de tous sains et saintes de paradis. O dame des angez et porte de paradis. O ioye des patriarches, des prophètes, des martires, des confesseurs, des vierges et des sains et des saintes. O estoille de matin plus resplendissant que le souleil et plus blanche que noif, ie ioing mes mains et esliève mes yeulx et fléchis mes genoulx devant ton ymage, dame très débonnaire, pour ycelle grant ioye que tu eus quant ta très saintisme âme. présens les angels et les archanges, sans doubte et sans paour se desparti de ton corps et fu portée en paradis en chantant et présentée à ton Filz, et lors fut receue et herbergée en gloire pardurable. Je te prie que tu me secoures et me viengnes au-devant en l'eure qui tant fait à doubter quant la mort très amère me sera si près. Dame, soyez à m'âme tour forte pour refuge et lance pour garder si que les très crueux ennemis d'enfer qui sont si orribles ne me puissent espouventer, ne ne soient si hardis que ilz me mectent au-devant péchié que iaye fait, mes soit par toy, doulce dame, de toutes pars gardée et de bénignité garnie, soit par toy présentée à ton Filz et en possession mise du pardurable repos et de la ioye et du royaulme qui iames ne fauldre. Amen
Witness (note)
Avignon, Bibl. mun., 211 (anc. fonds 511), fol. 19 et suiv. XVes.Bruxelles, Bibl. roy., 4522 (823), fol. 12-13 v° et 22-24, XVIes. Recueil de prières.Bruxelles, Bibl. roy., 10389 (813), fol. 113-115, XVIes. Livre de prières.La Rochelle, Bibl. mun., 374, fol. 150 v°, XVes.Nancy, Bibl. mun., 35 (245), fol. 146 v°-148 v°, XVes.Paris, Bibl. de l’Arsenal, 554, fol. 200-202, XVes.Paris, Bibl. de l’Arsenal, 572, fol. 86 v°-88, XIVe-XVes.Paris, Bibl. de l’Arsenal, 981, fol. 29-40, XVes.Paris, Bibl. de l’Arsenal, 1185, fol. 54-57 v°, XVes. Heures de Cambrai.Paris, Bibl. de l’Arsenal, 2164, fol. 244 v°-245 v°, daté 1464.Paris, Bibl. Mazarine, 509, fol. 81-83 v°, XVIes. [Ajout ms. sur l'exemplaire IRHT : « fiche à ajouter »]Paris, Bibl. nat., fr. 1801, fol. 57, XVes.Paris, Bibl. nat., fr. 13167, fol. 123 v°-124 v°, XVe-XVIes.Paris, Bibl. nat., fr. 22934, fol. 184 et v°.Paris, Bibl. nat., nouv. acq. fr. 10044, fol. 133-134, XVes. Inc. : O glorieuse esperance...Paris, Bibl. nat., lat. 1073 A, fol. 233 v°-234, XIIIe-XIVes.Paris, Bibl. nat., lat. 1161,fol. 300-303, XVes. Heures de Paris.Paris, Bibl. nat., lat. 1389, fol. 16 v°, XVes. Heures de Bourges.Paris, Bibl. nat., lat. 10528, fol. 272-274, XIVes. (2ep.). Heures de Paris. zParis, Bibl. nat., lat. 13276, fol. 179, XVes. Heures de Troyes. [Ajout ms. sur l'exemplaire IRHT : Le 6 de la cote et barré et à la suite de la ligne « ou 71 »]Paris, Bibl. nat., lat. 13291, fol. 181 v°, XVes. (2ep.). Heures de Châlons.Paris, Bibl. nat., lat. 18026, fol. 22-24 v°, XVes.Paris, Bibl. nat., nouv. acq. lat. 592, fol. 96-97 v°, XIVes.[Ajout ms. sur l'exemplaire IRHT : « Paris, Bibl. Sainte-Geneviève, 1278 »]Paris, Bibl. Sainte-Geneviève, 2688, fol. 138 v°-141 v°, XVIes.Poitiers, Bibl. mun., 95 (350), fol. prélim. 8 v°-1o v°, XVes.Rome, Bibl. vat., Chigi G. IV. 112, fol. 137-139 v°.Rome, Bibl. vat., Reg. lat. 2055, fol. 194 v°-195, XVes.Roubaix, Bibl. mun., 6, fol. 177, daté 1460.Rouen, Bibl. mun., 362 (Y 143), ms. non folioté.Soissons, Bibl. mun., 221, fol. 191 v°-192 v°.
