Text
Miserere mei Deus miserere mei quoniam in te confidit anima mea. Et in umbra alarum tuarum sperabo donec transeat iniquitas. Clamabo ad Deum altissimum Deum qui benefecit mihi ? Misit de celo et liberavit me dedit in opprobrium conculcantes me. Misit Deus misericordiam suam et veritatem suam et eripuit animam meam de medio catulorum leonum dormivi conturbatus. Filii hominum dentes eorum arma et sagitte et lingua eorum gladius acutus. Exaltare super celos Deus et in omnem terram gloria tua. Laqueum paraverunt pedibus meis et incurvaverunt animam meam. Foderunt ante faciem meam foveam et inciderunt in eam. Paratum cor meum Deus paratum cor meum cantabo et psalmum dicam Domino . Exsurge gloria mea exsurge psalterium et cithara exsurgam diluculo. Confitebor tibi in populis Domine et psalmum dicam tibi in gentibus. Quoniam magnificata est usque ad celos misericordia tua et usque ad nubes veritas tua. Exaltare super celos Deus et super omnem terram gloria tua.
ID Annotation
Miserere mei, Deus, miserere mei, quoniam in te confidit anima mea. Et in umbra alarum tuarum sperab | HORAE | Psalm 56 | Psalm | h4519
ID Arkindex
c94b931c-3035-4fab-8538-d604369d018b