Text
Iudica me Domine quoniam ego in innocentia mea ingressus sum et in Domino sperans non infirmabor. Proba me Domine et tempta me ure renes meos et cor meum. Quoniam misericordia tua ante oculos meos est et complacui in veritate tua. Non sedi cum consilio vanitatis et cum iniqua gerentibus non introibo. Odivi Ecclesiam malignantium et cum impiis non sedebo. Lavabo inter innocentes manus meas et circumdabo altare tuum Domine. Ut audiam vocem laudis et enarrem universa mirabilia tua. Domine dilexi decorem domus tue et locum habitationis glorie tue. Ne perdas cum impiis animam meam et cum viris sanguinum vitam meam. In quorum manibus iniquitates sunt dextera eorum repleta est muneribus. Ego autem in innocentia mea ingressus sum redime me et miserere mei. Pes meus stetit in via recta : in Ecclesiis benedicam te Domine.
ID Annotation
Judica me, Domine, quoniam ego in innocentia mea ingressus sum, et in Domino sperans non infirmabor. | HORAE | Psalm 25 | Psalm | h4422