Text
Confitebor tibi Domine in toto corde meo in consilio iustorum et congregatione. Magna opera Domini exquisita in omnes voluntates eius. Confessio et magnificentia opus eius et iustitia eius manet in seculum seculi. Memoriam fecit mirabilium suorum misericors et miserator Dominus escam dedit timentibus se. Memor erit in seculum testamenti sui virtutem operum suorum annuntiabit populo suo. Ut det illis hereditatem gentium opera manuum eius veritas et iudicium. Fidelia omnia mandata eius : confirmata in seculum seculi facta in veritate et equitate. Redemptionem misit populo suo mandavit in eternum testamentum suum. Sanctum et terribile nomen eius initium sapientie timor Domini. Intellectus bonus omnibus facientibus eum laudatio eius manet in seculum seculi.
ID Annotation
Confitebor tibi, Domine, in toto corde meo, in consilio justorum, et congregatione. Magna opera Domi | HORAE | Psalm 110 | Psalm | h4633