Text
Paratum cor meum Deus paratum cor meum cantabo et psallam in gloria mea. Exsurge psalterium et cithara exsurgam diluculo. Confitebor tibi in populis Domine et psallam tibi in nationibus. Quia magna super celos misericordia tua et usque ad nubes veritas tua. Exaltare super celos Deus et super omnem terram gloria tua ut liberentur dilecti tui. Salvum fac dextera tua et exaudi me Deus locutus est in sancto suo . Exultabo et dividam Sichimam et convallem tabernaculorum dimetiar. Meus est Galaad et meus est Manasses et Ephraim susceptio capitis mei. Iuda rex meus Moab lebes spei mee. In Idumeam extendam calciamentum meum mihi alienigene amici facti sunt. Quis deducet me in civitatem munitam quis deducet me usque in Idumeam. Nonne tu Deus qui repulisti nos et non exibis Deus in virtutibus nostris. Da nobis auxilium de tribulatione quia vana salus hominis. In Deo faciemus virtutem et ipse ad nihilum deducet inimicos nostros.
ID Annotation
Paratum cor meum, Deus, paratum cor meum ; cantabo, et psallam in gloria mea. Exsurge, gloria mea ; | HORAE | Psalm 107 | Psalm | h4632