Text
Omnipotens sempiterne deus, qui iusta dispensatione tuae pietatis notitiam caelestium haberi voluisti in terris, praesta, quaesumus, ut, qui beati Raphaelis angeli sollemnia celebramus, eius venerandis precibus salutem mentis et corporis consequi mereamur. *** Omnipotens sempiterne deus, qui iustitiam tuae legis in cordibus credentium digito tuo scribis, da nobis fidei, spei et caritatis augmentum et, ut mereamur assequi, quod promittis, fac nos amare, quod praecipis.