Text
Omnipotens sempiterne deus, qui ineffabili sacramento ius apostolici principatus in romani nominis arce posuisti, unde se evangelica veritas per tota mundi regna diffunderet, praesta, ut, quod in orbem terrarum eorum praedicatione manavit, christianae devotionis sequatur universitas. *** Omnipotens sempiterne deus, qui infirma mundi eligis, ut fortia quaeque confundas, concede propitius, ut, qui beatae illius martyris tuae sollemnia colimus, eius apud te patrocinia sentiamus.