Text
Omnipotens sempiterna trinitas, deus, qui per Moysen famulum tuum priscis iamdudum temporibus a patribus nostris omnium frugum terrae tuae primitias tibi sollemniter praecepisti offerri, non quo tuam indigentiam expleres sed nostram potius, ut pius et misericors, per hoc devotionem sanctificando monstrares, quaesumus clementiam tuam, ut has frugum nostrarum primitias, quas sancto nomini tuo, mandatorum tuorum praecepta servantes, offerimus, benignus ac placidus suscipere et sanctificare digneris. Parce, precamur, a grandine et ab omni penitus molestia exime atque ad maturitatem propitiusdignare perducere, ut cuncti famuli famulae que tuae immensas referant gratias tibi domino deo nostro, bonorum omnium largitori.
ID Annotation
Omnipotens sempiterna trinitas, deus, qui per Moysen famulum tuum priscis iamdudum temporibus a patr | Corpus Orationum 3782 | | Oration | h9425