Text
Miserere nobis, domine, miserere nobis et a cunctis malis praeteritis, praesentibus et futuris nos eripe; furorem irae tuae, gladium, captivitatem, pestilentiam, famem, tribulationem et insidias inimicorum nostrorum a nobis elonga; gratia tua nos a sordibus peccatorum emunda et omnes in commune iustifica; tempora concede et dies nostros, in tua pace disponendo, laetifica; omnium infirmorum valetudines cura omnium que fidelium defunctorum animabus requiem praesta.
ID Annotation
Miserere nobis, domine, miserere nobis et a cunctis malis praeteritis, praesentibus et futuris nos e | Corpus Orationum 3361 | | Oration | h8934