Text
Mirabilium deus operator immense, qui quondam aquas, in conspectu tuo sistentes, deinceps in vina mutasti, te humiliter imploramus, ut, suscepta voce clamoris nostri, misericordiam tuam nobis, deprecantibus, numquam auferas, sed propitius inclina aurem tuam et exaudi preces nostras, tibi supplicantes, ut serenissimo vultu videre mereamur, quem in hac captivitate nostra cum gloria venturum exspectamus.
ID Annotation
Mirabilium deus operator immense, qui quondam aquas, in conspectu tuo sistentes, deinceps in vina mu | Corpus Orationum 3349 | | Oration | h8926