Text
Merito, omnipotens deus, hanc incurrimus infirmitatem, qui tuam offendimus voluntatem, et tamen, licet arguamur flagellis pro peccatis, sed fiduciam de te non amittimus confidentiae, scientes, quod non usquequaque in nos peccata insequeris, si tamen peccatorum oblatione placaris: ob hoc, domine, poscentium attende propitius preces, lamentantium audi clamorem, impende pietatem et pone iam finem propter misericordiam tuam et concede sanitatem.
ID Annotation
Merito, omnipotens deus, hanc incurrimus infirmitatem, qui tuam offendimus voluntatem, et tamen, lic | Corpus Orationum 3341 | | Oration | h8915