Text
Hostiam, domine, pro anima famuli tui illius immolamus, qui, iam in carne positus, indevotus et irreligiosus videbatur: ob hoc piissimam clementiam tuam subnixis precibus imploramus, quod, si peccatorum meritis inferni tenebris et suppliciis retineatur, misericordiae tuae remedio indulge, ut, cum dies ille tremebundus advenerit, inter pios et iustos resuscitari eum praecipias ad indulgentiam, non ad poenam, et, quidquid humana conversatione contraxit, his sacrificiis emundetur, ut portio eius immensa miseratione tua sit in terra viventium.
ID Annotation
Hostiam, domine, pro anima famuli tui illius immolamus, qui, iam in carne positus, indevotus et irre | Corpus Orationum 2940 | | Oration | h8411