Text
Haec, domine, offerentium pura libamina propitius dignanter accepta; tribue eis pro parvis magna, pro terrenis caelestia, pro temporalibus sempiterna; insuper et aeternam vitam pro tua magna pietate concede, recolentibus amicorum tibi martyrum celebranda vocabula, qui in passionis tuae testimonio consecrandum sanguinem profuderunt; ut istum filii tui adventum inclitos milites, in hostili conflictatu exercitatos, fidei ignibus communitos, ad florentes triumphi caelestis semper laureas evexisti, sic nobis famulis tuis pari dono concedas, ut recolentibus nobis spiritum parentum, fratrum, sororum nostrarum, qui nos in pace dominica praecesserunt, (... lac.. ...) quos, peccatorum morte purgatos, in paginas libri vivificantis adscribas et sub ipso recognitionis adventu indulgentiam miserantiae attribuas.
ID Annotation
Haec, domine, offerentium pura libamina propitius dignanter accepta; tribue eis pro parvis magna, pr | Corpus Orationum 2792 | | Oration | h8189