Text
Domine, sancte pater, aeterne omnipotens deus, in cuius nomine beatae Eulaliae virginis ac martyris tuae sollemnia celebramus, quae, dum ad confessionem duceretur, non illam mortis timor intravit nec vultus pallor obsedit, non ira terruit comminantis, non dira vox, non cruenta manus, non etiam torvus adspectus a proposita passione submovit, tu nobis, martyris huius gaudentibus de triumpho, et ad te convertendi aditum praebe et sanctae conversationis tribuito dignitatem, concedens per hanc oblationem, a nobis tibi oblatam, et offerentibus perennis gratiae lucrum et defunctis aeternae repausationis solatium.
ID Annotation
Domine, sancte pater, aeterne omnipotens deus, in cuius nomine beatae Eulaliae virginis ac martyris | Corpus Orationum 2356 | | Oration | h7541