Text
Domine, deus de deo, lumen de lumine, qui humanum genus ex praecepto patris patibulo crucis proprio sanguine redimere dignatus es, te suppliciter exoramus, ut non secundum peccata nostra facias nobis, sed secundum misericordiam tuam salvos nos fac indignos famulos tuos; tu quoque exsurge in adiutorium nostrum et esto ibi turris fortitudinis et clipeus inexpugnabilis iustitiae a facie tam corporalis quam incorporalis inimici atque ab omni peccato et poena misericorditer nos libera et ab omni adversitate corporis et animae clementer nos defende.
ID Annotation
Domine, deus de deo, lumen de lumine, qui humanum genus ex praecepto patris patibulo crucis proprio | Corpus Orationum 2269 | | Oration | h7526