Text
Domine Iesu Christe, qui mortalitatis hominem sic assumpsisti, ut mortem nostram consumeres, sic iugum legis in tua carne suscepisti, ut a nostra carne discuteres, sic circumcisus in carne corporis es, ut nos sine vulnere carnis in corde purgares atque utrique sexui proficeret circumcisio spiritualis, cum ex virginitate genitricis ipse vir tamquam sponsus procederes, et utrumque sexum in sacramento incarnationis amplecteres, suscipiens scilicet virum, natum ex femina ... Unde veneranda illa senectus, in Simeone atque Anna purgata iam aetas et defaecata sincera que etiam in viro femina que canities, te suscipiens, non destitit collaudare. Te quaesumus, ut, sacrum circumcisionis diem sollemnitate votiva nobis prosequentibus, orationes supplicum placatus exaudias et offerentium sacrificia sanctificanda suscipias atque spiritus quiescentium, quorum est facta commemoratio nominum, in requiem electorum perducas.
ID Annotation
Domine Iesu Christe, qui mortalitatis hominem sic assumpsisti, ut mortem nostram consumeres, sic iug | Corpus Orationum 2334 | | Oration | h7503