Text
Deus, universalis machinae propagator, qui in sanctis spiritaliter, in matre vero virgine etiam corporaliter habitasti, quae, ditata tuae plenitudinis ubertate, mansuetudine florens, caritate vigens, pace gaudens, pietate praecellens, ab angelo gratia plena, ab Elisabeth benedicta, a gentibus merito praedicatur beata, cuius nobis fides mysterium, partus gaudium, vita provectum, discessus attulit hoc festivum, precamur supplices, ut pacem, quam in assumptione matris tunc praebuisti discipulis, in sollemnitate huius nunc largiaris in cunctis.
ID Annotation
Deus, universalis machinae propagator, qui in sanctis spiritaliter, in matre vero virgine etiam corp | Corpus Orationum 2203a | | Oration | h7355