Text
Deus, qui es iustorum gloria et misericordia peccatorum, da famulis tuis plenam indulgentiae veniam et paenitentiae locum exoratus indulge, ut, qui praeterita peccata deplorant, futura mala non sentiant neque iam ulterius lugenda committant; dimitte eis, domine, omnia crimina et in semitis tuis iustitiae placitos restaura, ut securi mereantur deinceps benemeritis currere et ad pacis aeternae praemia pervenire.
ID Annotation
Deus, qui es iustorum gloria et misericordia peccatorum, da famulis tuis plenam indulgentiae veniam | Corpus Orationum 1590 | | Oration | h6657