Text
Deus, qui diligentibus te misericordiam tuam semper impendis et a servientibus tibi in nulla es regione longinquus, dirige viam famuli tui illius in voluntate tua, quatenus, angelorum tuorum praesidio fultus, intercessione quoque sanctorum munitus, a cunctis adversitatibus tua miseratione salvetur, ut, profectionis et reversionis suae felicitate potitus, et compos reddatur iustorum votorum et de suorum laetetur remissione peccatorum.