Text
Deus, qui apostolum tuum Paulum, insolentem contra christiani nominis pietatem, caelesti voce cum terrore perculsum, hodierna die vocationis eius tum mente cum nomine commutasti, quem prius persecutorem metuebat ecclesia et nunc caelestium mandatorum laetatur se habere doctorem quem que ideo foris caecasti, ut introrsum videntem faceres, cui que post tenebras incredulitatis ablatas ad evocandas gentes divinae legis scientiam contulisti sed et, tertio naufragantem, pro fide, quam expugnaverat, iam devotum, in elemento liquido fecisti vitare discrimen, sic et nobis, quaesumus, eius et mutationem et fidem colentibus, post caecitatem peccatorum fac te videre in caelis, qui illuminasti Paulum in terris, et munera praesentia libens accipe, quae apostoli tui precibus tibi fiant accepta.
ID Annotation
Deus, qui apostolum tuum Paulum, insolentem contra christiani nominis pietatem, caelesti voce cum te | Corpus Orationum 1361 | | Oration | h6421