Text
Deus, cuius ineffabilis est clementia, profunda pietas, infinita miseratio, inaestimabilis magnitudo, qui sic irasceris, ut corrigas, castigas, ut revoces, corripis, ut emendes, invitas, ut diligas, flagellas, ut parcas, preces populi tui libenter amplectere et propitius intuere et, quoniam, quid mereamur vel quid patiamur, agnoscis, per te nobis tribue, quod rogaris, ut, ab omnibus temptationibus inimici, quibus adversus animam nostram illius sine cessatione grassatur invidia, virtutis tuae dextera liberati, in regnum tuum mereamur admitti.
ID Annotation
Deus, cuius ineffabilis est clementia, profunda pietas, infinita miseratio, inaestimabilis magnitudo | Corpus Orationum 1169 | | Oration | h6233