Text
Omnes gentes plaudite manibus iubilate Deo in voce exultationis. Quoniam Dominus excelsus terribilis rex magnus super omnem terram. Subiecit populos nobis et gentes sub pedibus nostris. Elegit nobis hereditatem suam speciem Iacob quem dilexit. Ascendit Deus in iubilo et Dominus in voce tube. Psallite Deo nostro psallite psallite regi nostro psallite. Quoniam rex omnis terre Deus psallite sapienter. Regnabit Deus super gentes Deus sedet super sedem sanctam suam. Principes populorum congregati sunt cum Deo Abraham quoniam Dei fortes terre vehementer elevati sunt.
ID Annotation
Omnes gentes, plaudite manibus ; jubilate Deo in voce exsultationis : quoniam Dominus excelsus, terr | HORAE | Psalm 46 | Psalm | h4594