Text
Debitas, omnipotens sempiterne deus, referimus gratias Iesu Christo domino nostro, in cuius similitudinem beatissimus Saturninus, dum offert victimam, ipse fit victima, dum sacerdotium electus agit, martyrium devotus implevit, ut per eminentiam iustitiae atque victoriae et testis fieret et antistes; in quo proficiens, fidei latitudo, dum cathedram suscipit sanctitatis, coronam rapuit passionis. Ita maiestatem tuam, domine, supplices exoramus, ut, qui ei tantam pro nomine tuo praestitisti tolerantiam, per eius intercessionem tribuas pro delictis plebi huic veniam.
ID Annotation
Debitas, omnipotens sempiterne deus, referimus gratias Iesu Christo domino nostro, in cuius similitu | Corpus Orationum 1048a | | Oration | h6039