Text
O dulcissime Domine Jesu Christe, verus Deus, qui de sinu summi Patris omnipotentis missus es in mundum peccata relaxare, afflictos redimere, in carcere positos dissolvere, dispersos congregare, peregrinos in suam patriam reducere, contritis corde misereri, dolentes lugentes que consolari. Dignare, Domine Jesu Christe, absoluere et liberare me famulum tuum de afflictione et tribulatione, in qua positus sum. Et tu Domine qui genus humanum in quantum homo, a Deo Patre omnipotente in custodiam recepisti. Et ex qua pietate tua, crudeli passione nobis paradisum precioso Sanguine tuo mirabiliter mercatus es et inter angelos et homines pacem fecisti. Tu, Domine Jesu Christe, digneris inter me et inimicos meos stabilire et confirmare concordiam et pacem et gratiam tuam super me ostendere et infundere misericordiam tuam… …Per hec omnia exaudi me, Domine : et per cuncta beneficia et etiam pro cunctis beneficiis tuis mihi famulo tuo collatis : quia tu me fecisti ex nihilo tu redemisti me : tu ad fidem sanctam tuam perduxisti me : et contra diaboli tentationem me premunisti, uitam eterna sic promittendo. Propter ista et omnia alia : que oculus non vidit nec auris audiuit, nec in cor hominis ascendit, rogo te, dulcissime Domine Jesu Сhriste, ut ab omnibus periculis anime et corporis pro tua pietate et misericordia me famulum tuum nunc et semper liberare digneris. Et post huius uite cursum ad te Deum uiuum et uerum me perducere digneris. Qui uiuis et regnas in secula seculorum.
ID Annotation
O dulcissime Domine Jesu Christe, verus Deus, qui de sinu summi Patris omnipotentis missus es in mun | HORAE | | Prayer | h807