Text
Maria, mater gratiae, Mater misericordiae, Relevamen miseriae Gloriosam. Nomen tuum dulce nimis, Memorandum est inprimis Magnis, mediis, minimis Gratiosum. Fructuosa fecunditas, Intemerata castitas In te sunt et virginitas Perpetua. Nunquam levis, nunquam vana, Ac si esses inhumana, Mentes nostras aegras sana Prece tua. Super omnes exaltata, Iure cunctis es praelata, Virgo, Dei mater, nata Stirpe David. Deus ineffabiliter Ex te natus rectum iter Humanus corporaliter Demonstravit. Tu, quae tot auxiliaris, Quae cum Deo gloriaris, Duc nos recte, stella maris, Exoramus, Ut ad perfecta gaudia Educti de miseria Te ducente et praevia Veniamus
ID Annotation
Maria, mater gratiae, Mater misericordiae, Relevamen miseriae Gloriosam. Nomen tuum dulce nimis, Mem | AH 16455 | | Hymn | h741
