Text
Exaltabo te Domine quoniam suscepisti me nec delectasti inimicos meos super me. Domine Deus meus clamavi ad te et sanasti me. Domine eduxisti ab inferno animam meam salvasti me a descendentibus in lacum. Psallite Domino sancti eius et confitemini memorie sanctitatis eius. Quoniam ira in indignatione eius et vita in voluntate eius. Ad vesperum demorabitur fletus et ad matutinum letitia. Ego autem dixi in abundantia mea non movebor in eternum. Domine in voluntate tua prestitisti decori meo virtutem. Avertisti faciem tuam a me : et factus sum conturbatus. Ad te Domine clamabo et ad Deum * meum deprecabor. Que utilitas in sanguine meo dum descendo in corruptionem ? Numquid confitebitur tibi pulvis aut annuntiabit veritatem tuam ? Audivit Dominus et misertus est mei Dominus factus est adiutor meus. Convertisti planctum meum in gaudium mihi conscidisti saccum meum et circumdedisti me letitia. Ut cantet tibi gloria mea et non compungar Domine Deus meus in eternum confitebor tibi.
ID Annotation
Exaltabo te, Domine, quoniam suscepisti me,nec delectasti inimicos meos super me. Domine Deus meus, | HORAE | Psalm 29 | Psalm | h502