Text
Doulce dame de miséricorde, mère de pitié, fontaine de tous biens, qui portastes Ihésucrist IX mois en vos précieux flans et l’alaitastes de vos doulcesmamelles, belle, très doulce dame, ie vous crie merci, et vous prie que vous vueillez prier vostre doulz Filz que il me vueille enseigner, et me doint en telle manière vivre que ie puisse venir à sa miséricorde et à vraie confession et repentance de tous les péchiez que fis onques. Et ainssin, vous luy prierès, belle, très doulce dame ; et ie me agenouilleray XV fois devant vostre benoit ymage en lonneur et en la remembrance des XV ioies que vous eustes de vostre chier Filz en terre. Ave Maria.
Très doulce dame, pour icelle grant ioie que vous eustez quant le saint ange Gabriel vous aporta la nouvelle que le Sauveur de tout le monde vendroit en vous. Doulce dame, pries luy que il vueille venir en mon cuer espirituelement. Ave Maria.
Très doulce dame, pour icelle grant ioie que vous eustez quant vous alastes à la montaigne visiter sainte Elyzabet vostre cousine ; et elle vous dist que vous estiez benoite sur toutes famés, et que le fruit de vostre ventre estoit benoit. Doulce dame, pries luy que il me vueille rasazier. Ave Maria.
Très doulce dame, pour icelle grant ioie que vous eustes quant vous 1e sentistes mouvoir en vos précieux flans. Doulce dame, priez luy que il vueille esmouvoir mon cuer à luy amer, cognoistre, servir et honorer. Ave Maria.
Très doulce dame, pour icelle grant ioie que vous eustes quant il nasqui de vous au iour de Noël. Doulce dame, pries luy que il m’ottroit sa benoite nativité à ma rédempeion. Amen. Ave Maria.
Très doulce dame, pour icelle grant ioie que vous eustes quant li pastour trouvèrent vous et vostre doulx Filz. Doulce dame, pries luy que ie le puisse trouver en toutes mes tribulations. Amen. Ave Maria.
Très doulce dame, pour icelle grant ioie que vous eustes quant li troys roy vindrent offrir à vostre doux Filz or, mirre et encens, et il les receut. Doulce dame, pries li que il vueille recevoir mon Oration. Ave Maria
Très doulce dame, pour icelle grant ioie que vous eustes quant vous l’offrîtes au temple,et saint Syméon le receut entre ses bras. Doulce dame, pries luy que il vueille recevoir mon âme quant elle pertira de mon corps. Ave Maria.
Très doulce dame, pour icelle grant ioie que vous eustez quant vous eustez perdu vostre chier Filz et vous le retrouvastes entre les Iuifs en Ihérusalem. Doulce dame, pries luy que se ie Tay par mes deffautez perdu et par mes péchiez, que ie le puisse retrouver par vos saintes mérites et requestes. Ave Maria.
Très doulce dame, pour icelle grant ioie que vous eustez quant vous fustes cemoncés aux noces de l’jarchetriclin là où vostre chier Filz mua l’eaue en vin. Doulce dame, pries luy que il vueille muer la mauvaisté de mon cuer en faissant bonnes euvres. Ave Maria.
Très doulce dame, pour icelle grant ioie que vous eustez quant vostre Filz Ihésucrist reput cinq mille hommes de cinq pains d’orge et de II poissons. Doulce dame, priez luy que il vueille mes cinq sens gouverner. Ave Maria.
Très doulce dame, pour icelle grant ioie et amère compassion quant vostre doulx Filz Ihésucrist souffri mort et passion en la croix pour nous. Doulce dame, pries luy que la mort que il souffri me vueille délivrer de mort d’enfer. Ave Maria.
Très doulce dame, pour icelle grant ioie que vous eustes au iour de Pasques, quant vostre doulx Filz resuscita de mort à vie. Doulce dame ; pries luy que ie le puisse en telle manière resusciter au tremblable iour du iugement que ie le puisse veour au salut de m’âme. Ave Maria.
Très doulce dame, pour icelle grant ioie que vous eustes au iour de l’Ascencion, quant vostre doulx Filz monta ès cieulx. Doulce dame, pries li que ie il traie après li mon cuer et toutes mes pensées. Ave Maria.
Très doulce dame, pour icelle grant ioie que vous eustes au iour de la Penthecoste quant vostre doulx Filz envoia le Saint Esperit à ses disciples et il les enlumina et embrasa de son amour. Doulce dame, priez li que il enlumine mon cuer à luy amer. Ave Maria.
Très doulce dame, pour icelle grant ioie que vous eustes au iour de vostre Assumpcion quant vostre doulx Filz vous emporta ès cieulx et il vous couronna à sa dextre. Doulce dame, priez li pour moy et pour tous pécheurs et pour toutes péchereses que Dieu leur doint grâce de yssir de lurs péchiez et d’amander leurs viez. Et pour les trespassés, qu’ilz ayent mercy et pardon de leurs péchiez. Amen. Ave Maria