Text
Domine exaudi orationem meam auribus percipe obsecrationem meam in veritate tua exaudi me in tua iustitia. Et non intres in iudicium cum servo tuo quia non iustificabitur in conspectu tuo omnis vivens. Quia persecutus est inimicus animam meam humiliavit in terra vitam meam. Collocavit me in obscuris sicut mortuos seculi et anxiatus est super me spiritus meus in me turbatum est cor meum. Memor fui dierum antiquorum meditatus sum in omnibus operibus tuis in factis manuum tuarum meditabar . Expandi manus meas ad te anima mea sicut terra sine aqua tibi. Velociter exaudi me Domine defecit spiritus meus. Non avertas faciem tuam a me et similis ero descendentibus in lacum . Auditam fac mihi mane misericordiam tuam quia in te speravi. Notam fac mihi viam in qua ambulem quia ad te levavi animam meam. Eripe me de inimicis meis Domine ad te confugi doce me facere voluntatem tuam quia Deus meus es tu. Spiritus tuus bonus deducet me in terram rectam : propter nomen tuum Domine vivificabis me in equitate tua. Educes de tribulatione animam meam et in misericordia tua disperdes inimicos meos. Et perdes omnes qui tribulant animam meam quoniam ego servus tuus sum.
ID Annotation
Domine, exaudi orationem meam ;auribus percipe obsecrationem meam in veritate tua ;exaudi me in tua | HORAE | Psalm 142 | Psalm | h379
ID Arkindex
8afa9005-f738-498f-b605-dc5b5772d419
