Text
Cum invocarem exaudivit me Deus iustitie mee in tribulatione dilatasti mihi. Miserere mei et exaudi orationem meam. Filii hominum usquequo gravi corde ut quid diligitis vanitatem et queritis mendacium ? Et scitote quoniam mirificavit Dominus sanctum suum Dominus exaudiet me cum clamavero ad eum. Irascimini et nolite peccare que dicitis in cordibus vestris et in cubilibus vestris compungimini . Sacrificate sacrificium iustitie et sperate in Domino multi dicunt quis ostendit nobis bona ? Signatum est super nos lumen vultus tui Domine dedisti letitiam in corde meo. A fructu frumenti vini et olei sui multiplicati sunt. In pace in idipsum dormiam et requiescam. Quoniam tu Domine singulariter in spe constituisti me.
ID Annotation
Cum invocarem exaudivit me Deus justitiae meae,in tribulatione dilatasti mihi.Miserere mei, et exaud | HORAE | Psalm 4 | Psalm | h244
