Text
Christe, redemptor omnium, Ex patre patris unice, Solus ante principium Natus ineffabiliter; Tu lumen, tu splendor patris, Tu spes perennis omnium, Indende, quas fundunt, preces, Tui per orbem famuli. Memento salutis auctor, Quod nostri quondam corporis Ex illibata virgine Nascendo formam sumpseris. Sic praesens testatur dies Currens per anni circulum, Quod solus a sede patris Mundi salus adveneris. Te coelum, terra, maria, Te omne, quod in eis est, Auctorem adventus tui Laudat exsultans cantico. Nos quoque, qui sancto tuo Redempti sanguine sumus, Ob diem natalis tui Hymnum novum concinimus. Gloria tibi Domine.
ID Annotation
Christe, redemptor omnium, Ex patre patris unice, Solus ante principium Natus ineffabiliter; Tu lume | AH 5047 | | Hymn | h205