Text
Cantate Domino canticum novum quia mirabilia fecit. Salvavit sibi dextera eius et brachium sanctum eius. Notum fecit Dominus salutare suum in conspectu gentium revelavit iustitiam suam. Recordatus est misericordie sue et veritatis sue domui Israel. Viderunt omnes termini terre salutare Dei nostri. Iubilate Deo omnis terra cantate et exultate et psallite. Psallite Domino in cithara in cithara et voce psalmi in tubis ductilibus et voce tube cornee. Iubilate in conspectu regis Domini moveatur mare et plenitudo eius orbis terrarum et universi qui habitant in eo. Flumina plaudent manu simul montes exultabunt a conspectu Domini quoniam venit iudicare terram. Iudicabit orbem terrarum in iustitia et populos in equitate.
ID Annotation
Cantate Domino canticum novum,quia mirabilia fecit.Salvavit sibi dextera ejus,et brachium sanctum ej | HORAE | Psalm 97 | Psalm | h195
ID Arkindex
9db43fbe-185f-4306-a0db-93a2e318270c
